Ang Smart Virtual Number (SVN) ay ang digital Philippine mobile number na magagamit ng mga Pinoy habang nasa ibang bansa. Ito ay SIM-less (walang physical SIM) at available sa TinBo (Tindahan ni Bossing).

Magagamit ito para ma-access ang accounts mo sa Pinas. Pwedeng i-register ang Smart Virtual Number bilang mobile number sa iyong Philippine bank account, e-wallet, at iba pang Philippine-based online accounts.

Matatanggap sa Smart Virtual Number ang one-time passwords (OTP) at notification messages para ma-authorize at maprotektahan ang iyong Philippine online transactions habang nasa ibang bansa ka.

Magagamit din ito sa oras ng emergencies o pangangailangan habang nasa abroad. Gamit ang Smart Virtual Number, makakatawag nang libre sa OWWA Helpline 1348 at sa 1343 Actionline Against Human Trafficking.

Pwede ka ring i-text o tawagan ng iyong pamilya sa Pinas sa iyong Smart Virtual Number, kahit na wala silang access sa internet.

Nakakatanggap ng one-time PINs (OTP) ang Smart Virtual Number. Ang OTP ang kadalasang ginagamit ng third-party wallet apps at online banking mula sa Pilipinas sa pag-validate ng inyong account.

Kung gagamitin mo ang iyong Smart Virtual Number para mag-register sa mga third-party apps mula sa Pilipinas, siguraduhing meron kang active SVN subscription plan para patuloy kang may access sa Smart Virtual Number at patuloy na maka-receive ng OTPs at service notifications.

Pwede kang kumuha ng Smart Virtual Number (SVN) sa TinBo app. Sundin lang ang sumusunod:

• I-download ang TinBo app sa Google Play o App Store.


• Mag-register ng account sa TinBo app. Pwede ring mag-register sa TinBo website: www.tinbo.ph


• I-click ang Get SVN sa TinBo home page at sagutan ang mga hinihinging detalye.


• Kapag meron nang Smart Virtual Number, i-click ang Activate button sa home page.


• Mag-SIM register at kumpletuhin ang required details para magamit ang Smart Virtual Number.

Required ng SIM Registration Act ang pagrehistro ng Smart Virtual Number. Kailangan makumpleto ang SIM registration bago ma-activate ang Smart Virtual Number. Ito ay para masigurong protektado ang users mula sa scams, fraud, at iba pang illegal activities.

May 30-day FREE trial period ang Smart Virtual Number para sa bagong users.

Pagkatapos ng free trial, mawawalan ka ng access sa Smart Virtual Number mo. Kailangan mong kumuha ng SVN subscription plan para hindi ito mawala at patuloy mong magamit.

Available sa TinBo ang SVN subscription plans for 30 Days, 6 Months, at 1 Year.

Ang Smart Virtual Number ay valid sa loob ng free trial period. Ito ay hindi na maaaring palitan. Kailangang kumuha ng SVN subscription para patuloy mo itong magamit.